HITZEZ ETA IRUDIZ

HITZEZ ETA IRUDIZ Ane Alegria hitzetan, Ane Berriotxoa eta biok iruditan. Eskerrik asko inspirazio iturri izateagatik, hau zuena ere bada. https://www.gaztezulo.eus/@@site-logo/logoa.png
2020/11/16

Argazkilaria: Iratxe Etxeandia @iiratx

Ane Alegria hitzetan, Ane Berriotxoa eta biok iruditan. Eskerrik asko inspirazio iturri izateagatik, hau zuena ere bada.

Haizeak azala laztantzen dizunero sentitzen duzun barne lurrikara sismikoa da askatasuna sentitzetik gertuen egon zaren unea, momentua, tartea. Nola litekeen. Batzuetan zure itzalak ematen dizu beldur gehien. Eta ez dakizu zuir, zuri beldurra diozulako edo zure faltak izutzen zaituelako den. Loratu zinen, loratu. Sustraiak sendotu, hazi, zabaldu eta askatu. Loratu zinen eta lortu. Ezpain gorrien garratza eta begi distiratsuen arantza. Edertasunak sarri ez du izaten ispiluan ikusten denaren antza. Isiltasunak egin gintuen noizbait ahaldun. Ausentzia usainak nabari ziren bidegurutzeetan. Ausentzia oihuak kaleko trafiko seinaleetan. Ausentzia koloreak gure zapatetan. Gogoa eman zenidan baina indarrik gabe utzi ninduzun. Nire ipurmasailean dantzari zoaz maitemindu zinen, nirekin dantzatzeak zer zekarren jakin gabe. Ezer ez egiteak egin gintuen garena, ezer egiteak ginenera bakarrik bultzatzen gintuen hartan. Zure azaleko izerdi tantekin zorpetu nintzen nire izerdi tantek titiburuak zeharkatzen zizkidaten bitartean.