Norbera enpresari

Bururatu al zaizu inoiz zure enpresa propioa sortzea? Ausardia behar da horretarako, baina lanak fruituak ematen ditu beti. Hona hemen kontuan hartu beharreko kontutxo batzuk.

---

Enpresa bat sortzeko, ezinbestekoa da ideia bat edukitzea eta ideia horrek izan dezakeen bideragarritasuna aztertzea. Beti bezala, ideia hori gutxien espero duzun tokian eta orduan sor dakizuke. Zentzu horretan, intuizioa oso garrantzitsua da, baina baita buru hotza ere. Aukera sortzen denean, baliatzea da gakoa. Baina non egon daiteke inork asmatu ez duen ideia hori? Hona hemen bide batzuk:

1- Esaterako, zure zaletasunak balia ditzakezu; apika, horietako bat izan daiteke zure enpresaren sorburu.      

2- Galdera egin diezaiokezu zure buruari: zergatik ez  dago merkatuan zuk atsegingo zenukeen produktu edo zerbitzu hori? Behar bada, inori bururatu ez zaiolako!

3- Produktu eta zerbitzu jakinetan antzeman dituzun akats eta huts egiteak aztertu ditzakezu, horiek nola nola konpondu pentsatuz.

4- Gizartean gertatzen ari diren aldaketa sozial eta ekonomikoak aztertu, eta horiek sortutako eskariak kontuan hartzea komeni da.

5- Arazo zaharrei irtenbide berriak aurkitzen ahalegintzea.

6- Teknologia-berrikuntzak aukeratzat hartu, eta produktu/zerbitzu berriak sortzea.

Negozio plana
Behin ideia bat edukita, funtsezkoa da ideia hori aztertu eta negozio plan bat prestatzea. Gisa horretara, arriskuak gutxitu eta aukera potentzialak handituko ditugu. Negozio plan baten barruan, ezinbestekoa da ondorengo alderdiak kontuan hartzea: errekurtsoak, merkatua, konpententzia, produktu edo zerbitzuaren merkaturatzea, enpresaren antolaketa eta finantza-azterketa. Azken horren barruan, funtsezkoa da biabilitate-plana martxan jartzea.

Ekintzailea al zara?
Ideia berriak sortu eta garatzeko ahalmena duten pertsonek ezaugarri psikologiko eta intelektual jakin batzuk izaten dituzte. Heziketak ere berebiziko garrantzitsua du, noski.

Ondorengoak dira ekintzaile baten ezaugarri psikologikoetako  batzuk: norbere buruan konfiantza izatea, ausardia, lasaitasuna, ilusioa, sortzailea eta berritzailea izatea. Bestalde, koordinaziorako eta antolaketarako gaitasuna izan behar da, eta baita testuingurua aztertzeko begi zorrotza ere. Jenderik onena aukeratzen eta erabakiak hartzen jakitea ere ezinbestekoa da.

Nondik atera dirua?
Enpresa bat sortu nahi duen edozein gazterentzat, hori da arazo nagusia. Gehienetan, norberaren poltsikoa urratu behar da lehen pausoa emateko. Nolanahi ere, dirua norberarena dirua izan edo maileguan utzia izan, zuhurtziaz jokatu behar da beti.

Dirulaguntzak ere badira enpresak sortu nahi dituzten gazteentzako. Enpresa motaren eta helburuen arabera, era bateko edo besteko laguntzak izaten dira, eta herrialdez herrialde ere aldatu egin daitezke. Banketxe eta Komertzio Ganbaretan, Aldundietan, Eusko Jaurlaritzan eta Nafarroako Gobernuan izango duzu horien berri. Europako Batasunak ere ematen ditu horrelakoak.