"Ertzen zatiak"
Jon Sarasuak lan kontuengatik Hego Ameriketara egindako bidaian bizitako esperientziak eta gogoetak idatzi zituen, ondoren lankideei haien berri emateko. Koadernoan jasotakoak borobildu eta liburuan argitaratu ditu orain. Brasilgo Lurrik Gabekoen Mugimendua du ardatzetako bat, baina Argentinan, Bolivian eta Kuban bizitakoak ere aipagai ditu. Bertakoen bizimodua eta izaera ezagutzeko modua eskura jarri digu kontakizun laburren bilduma honen bidez. Hausnarrarazi egiten du, baina beste ororen gainetik, sentiarazi.
