Zerra zirujaua
Robert Liston Erresuma Batuko XIX. mendeko zirujauak arrakasta handia lortu zuen bere jaioterrian, gorputz-adarrak mozten azkarrena zen eta. Marka polita lortu zuen sendagileak ebakuntza batean: hanka bat ordubetean moztu zuen. Ebakuntza azkarra izan zen; hobe esanda, azkarregia, izan ere, hankaz gain, barrabilak ere moztu zizkion gaixoari. Gaixoa, sarraskiaren ondorioz, hil egin zen. Baina, ez zen ebakuntza hartako hildako bakarra izan: sendagilearen laguntzaileak bi behatz galdu zituen eta odolostuta hil zen. Hau da hau, zerra doktorearen marka!
