XIII. Gaztezulo Bideo Lehiaketa martxan!

XIII. Gaztezulo Bideo Lehiaketa martxan! Hiru, bi, bat... filmatzen! Bete formularioa, bidali bideoa eta irabazi zure saria! Irabazleek, 1.200 euroko saria jasoko dute! https://www.gaztezulo.eus/albisteak/xiii-gaztezulo-bideo-lehiaketa-martxan/@@download/image/BIDEO LEHIAKETA 2022_02.jpg
2022/03/24
Hiru, bi, bat... filmatzen! Bete formularioa, bidali bideoa eta irabazi zure saria! Irabazleek, 1.200 euroko saria jasoko dute!
XIII. Gaztezulo Bideo Lehiaketa martxan!

Istorioak irudi bidez kontatzea gustuko baduzu, nagiak atera eta hasi filmatzen!

 

LANAK ENTREGATZEKO EPEA

Bideoak apirilaren 4tik maiatzaren 20ra aurkeztu behar dira, eguerdiko 12:00ak baino lehen. Ondoren, epaimahaikideek lan guztiak baloratu eta ekainean sari banaketa ekitaldian garaileen izenak jakinaraziko ditugu.

NOLA PARTE HARTU?

  1. FORMULARIOA BETE HEMEN.
  2. Bideoak online bidalketa sistema baten bidez (tori.eus edo wetransfer.com) bidali zuzendaria@gaztezulo.eus helbidera.
  3. Ikusleen botoak eta iruzkinak maiatzaren 27ra arte jaso ahal izango dira gaztezulo.eus webgunearen bidez. Jasotako bideoak GAZTEZULOren YouTubeko kanalera igo eta gaztezulo.eus webean publikatzen joango gara. Beraz, zenbat eta lehenago bidali,  Ikuslearen Saria irabazteko orduan eta aukera handiagoa!

Ze baldintza bete behar dituzte lanek?

Aurkezten diren bideoek aurten filmatuak, originalak eta argitaratu ga­beak izan behar dute. Ez da onartu­ko aurrez beste lehiaketaren batean aurkeztutako lanik.

  • Iraupena
    Gutxienez minutu 1 eta gehienez 3 minutu (kredituak barne).
  • Gaia
    Nahi duzuna konta dezakezu, muga­rik ez!
  • Objektua
    Film labur bakoitzean, EZINBESTEAN, GAZTEZULO PAPEREZKO aldizkaria, aldizkari DIGITALA edota GAZTEZULO.EUS webgunea azaldu behar dira (zeharka zein istorioaren elementu garrantzitsu gisa).
  • Hizkuntza
    Bideoak hizkuntza edukiren bat izatekotan (ahotsa, musika, karte­lak, elementu grafikoak...), honek EUSKARAZKOA behar du izan. EZ DUGU ONARTUKO baldintza hau betetzen ez duen bideorik.

Epaimahaia

Hiru adituk osatutako epaimahaiak lanak ikusi eta baloratuko ditu kalitate teknikoa, originaltasuna eta sormena kontuan hartuta. Aurtengoan Olaia Urtiaga kazetaria (Donostia, 1983), Ibai Zabala ikus-entzunezko teknikaria (Lekeitio, 1996) eta Marga Berra  grafista (Baiona, 1990) izango ditugu lan hori burutzen.

Sariak

  • 1.go saria: bideo onenaren egi­leak 1.200 euroko saria jasoko du*.
  • 2.saria: bigarren bideo onena­ren egileak 300 euroko saria jasoko du*.
  • Ikusleen saria: gaztezulo.eus webgunean maiatzaren 27an 12:00etan ikusleen boto gehien dituen lanaren egileak hainbat produktuz eta GAZTEZULO materialez osatutako opari-sorta irabaziko du.

Sara banaketa ekitaldia

Ekainean izango da eta, iaz bezala, sari banaketa ekitaldia zuzenean emango dugu geure Twitch kanalaren bidez (twitch.tv/gaztezulo); irabazleekin zuzeneko konexioak egingo ditugu, epaimahaikideen hitzak jasoko ditugu eta sorpresak ere egongo dira.

 

Aurtengo irudia: Alice Guy


Zinemaren sorreraz ari garenean, Lumière anaiak edo George Meliès aipatu ohi ditugu sarritan. Inor gutxik daki, ordea, haien garaikidea izan zen Alice Guy-Blaché frantziarra aitzindaria izan zela zinema-arloko hainbat kontutan. Zinema narratiboaren lehen zuzendaria Alice Guy frantziarra izan zela aldarrikatu nahi dugu eta horregatik keinu eta omenaldi txiki hau aurtengo Gaztezulo Bideo Lehiaketako iruditerian. Aitzindaria izan zen, zinemak istorio-fabrika gisa duen ahalmen ikaragarria aztertzen lehena. Bere talentu eta gaitasunetik sortu ziren fikziozko lehen filmak, nahiz eta gero ia inork ez zuen horretaz hitz egin. Historia ofizialean kontatzen da  Mélièsek egin zuela fikziozko lehen pelikula, baina ez da horrela. 1895. urtean, Lumière anaien lehen proiekzioetako batean, hantxe zegoen Guy, eta proiekzioa ikusi zuenean, konturatu zen zinematografoak bazeukala historiak kontatzeko gaitasuna. Bera izan zen historian fikziozko pelikula bat egin zuen lehen zine-zuzendaria, baina emakume izateagatik itzalean geratu zen.

 

 

JARRI MARTXAN! 

SARI POTOLOAK DITUZU ZAIN!

 

OINARRIAK DESKARGATU (PDF)