'Life of Brian' filmaren 40 urteak ospatzeko berrestreinaldia zinemetan!

Brianen Bizitza ( Monty Python's Life of Brian ) 1979 urtean, Monty Python umorezko taldeak idatzi, zuzendu eta ekoiztutako film britainiarra dugu. Graham Chapmanek antzeztutako Brian Cohen-en bizitza azaltzen da bertan, Jesukristoren egun berean eta ondoan jaiotako eta nahasitako judu gaztearena. 

Estreinaldiaren egun berean, Estatu Batuetan, hautsak harrotu zituen filma izan zen, erlijioarekiko azaltzen den satirak hainbat erakunderen salaketak sortu baitzituen. Ekoizleek ordean, salaketa horiek propaganda moduan erabiltzea erabaki zuten, eta filmari sekulako bultzada eman zioten.  Geroztik harrera ezin hobea jaso zuen ikusleen artean eta historian laugarren britainiar film ikusiena da, egun kultuzko film paregabea bihurtzeraino.

Gaur bakarrik egongo da ikusgai beraz aprobetxatu!