Gazte belaunaldiak
Zer lotura dute 18 eta 28 urteko bi anaia-arrebek? "Gazteak gara", dio 28 urtekoak. Gehiegitxo esatea da. Hona hemen Rodriguez Iturriberrigoikoerro- takoaldikoetxeatarrak, Bizkaiko edozein herritakoak, noski.
Garazi Rodriguez Iturriberrigoikoerrotakoaldikoetxea
18 urte
Hemezortzi urterekin gurasoen etxetik alde egingo zuela zioen duela bizpahiru urte. Garaia iritsi zaio, eta anaiaren bidetik jotzea erabaki du. Aitzakia bilatzen ari da.
Tabernan, bere anaia Mikel barraren kontra, harrizko estatua izango balitz bezala, zerbezak bata bestearen atzetik hartzen ikusten duenean, hitz bakarra datorkio burura: "patetikoa".
"Mikelek txikitan torturatu egiten ninduen, egun santu osoa Rip musika aparagailuan! Auskalo zergatik, baina heriotzarekin maiteminduta zegoela zioen. Oraindik ere punkia omen da... Kar, kar, kar!".
Internetzale amorratua da. Bere anaia plater garbigailuaren lagunik onena denez eta etxean oraingoz plater garbigailurik ez dagoenez, harrikoa berak egin behar izaten du.
Anaia bere lagunekin ligatzen ahalegintzen denean, sutan jartzen da. "Zergatik ez da saiatzen bere adinekoekin?". Hori bai, "zein ongi dagoen Joseba, Mikelen laguna!".
Bizitza polita dela uste du oraindik.
Mikel Rodriguez Iturriberrigoikoerrotakoaldikoetxea
28 urte
Ezkertiar peto-petoa eta borrokalari sutsua, oraindik ere soziologo iraultzaileen liburuak irakurtzen ditu noizean behin. Egoskorra, bizitzan helburu bat duela sinetsita dago. Helburu hori gurasoak ezkerrera biltzea da; lortu arte, ez du gurasoen etxetik alde egingo.
Rip eta Eskorbuto hamaika alditan ikusi zituela dio harrotasunez. Arrebak, ordea, Abba entzuten harrapatu zuen behin komunean, ezkutuan.
Teknologiak gorroto omen ditu. Hala ere, plater garbigailuaren lagunik onena da.
Anttonik, bere amak susmoa du ez ote dituen "marijuana" eta "atxis" droga arriskutsuak hartzen.
Lan egiten hasteko irrikitan dago. Harrigarria da, ordea, bost urte baitaramatza unibertsitateko azken ikasgaia gainditzeko.
Amak bilobak "eskatzen" dizkio. Ez dio inori esan nahi, baina ikaragarri gustatzen zaizkio hemezortzi urteko neskak. Pare bat alditan saiatu da arrebaren lagunekin, baina alferrik, jakina.
Garazi Rodriguez Iturriberrigoikoerrotakoaldikoetxea
18 urte
Hemezortzi urterekin gurasoen etxetik alde egingo zuela zioen duela bizpahiru urte. Garaia iritsi zaio, eta anaiaren bidetik jotzea erabaki du. Aitzakia bilatzen ari da.
Tabernan, bere anaia Mikel barraren kontra, harrizko estatua izango balitz bezala, zerbezak bata bestearen atzetik hartzen ikusten duenean, hitz bakarra datorkio burura: "patetikoa".
"Mikelek txikitan torturatu egiten ninduen, egun santu osoa Rip musika aparagailuan! Auskalo zergatik, baina heriotzarekin maiteminduta zegoela zioen. Oraindik ere punkia omen da... Kar, kar, kar!".
Internetzale amorratua da. Bere anaia plater garbigailuaren lagunik onena denez eta etxean oraingoz plater garbigailurik ez dagoenez, harrikoa berak egin behar izaten du.
Anaia bere lagunekin ligatzen ahalegintzen denean, sutan jartzen da. "Zergatik ez da saiatzen bere adinekoekin?". Hori bai, "zein ongi dagoen Joseba, Mikelen laguna!".
Bizitza polita dela uste du oraindik.
Mikel Rodriguez Iturriberrigoikoerrotakoaldikoetxea
28 urte
Ezkertiar peto-petoa eta borrokalari sutsua, oraindik ere soziologo iraultzaileen liburuak irakurtzen ditu noizean behin. Egoskorra, bizitzan helburu bat duela sinetsita dago. Helburu hori gurasoak ezkerrera biltzea da; lortu arte, ez du gurasoen etxetik alde egingo.
Rip eta Eskorbuto hamaika alditan ikusi zituela dio harrotasunez. Arrebak, ordea, Abba entzuten harrapatu zuen behin komunean, ezkutuan.
Teknologiak gorroto omen ditu. Hala ere, plater garbigailuaren lagunik onena da.
Anttonik, bere amak susmoa du ez ote dituen "marijuana" eta "atxis" droga arriskutsuak hartzen.
Lan egiten hasteko irrikitan dago. Harrigarria da, ordea, bost urte baitaramatza unibertsitateko azken ikasgaia gainditzeko.
Amak bilobak "eskatzen" dizkio. Ez dio inori esan nahi, baina ikaragarri gustatzen zaizkio hemezortzi urteko neskak. Pare bat alditan saiatu da arrebaren lagunekin, baina alferrik, jakina.
