Eskuratu Maite Larbururen 'Hezuren Azpian' diskoa!

Maite Larburu musikari bidaiaria da. Biolin jotzaile klasiko nomada, ogibidez. Euskal Herrian, Neighbor taldearen kantugile eta gidari gisa egin zen ezagun, baina, oraingoan, proiektu propio eta berria dakar. Billie Holiday kantariak ezagun egin zuen arrazakeriaren kontrako Strange Fruit ereserkia abiapuntu hartuta, bakarkako lan berria sortu du: Hezurren azpian. Maleta, aireportu eta trenbidez josiriko mikrokosmos batera egingo dugu jauzi. Larbururen estiloa eklektikoa da. Hots jostun bat izan nahi du. Ahotsa, biolina, gitarra klasikoa eta elektrikoa, ukelelea, sruti boxa eta abar ditu musikaren osagai. Horrez gain, Carlos Taroncherren klarineteak eta perkusio piloa (gaileta kaxak, piña potoak, koilarak…).

Harribitxi hau zuretzat nahi baduzu, parte hartu zozketan!