Bideo kamera digitala, Naroa Sasietarentzat

Agurain aldera joan zaigu hilabete honetako oparia. Naroa Sasieta arabarrak harriduraz eta pozik hartu du albistea: “Aspalditik jasotzen dut aldizkaria etxean, baina ez zait sekula ezer tokatu!”. Informatikaria da eta Sarezulo atala gustura irakurtzen duela kontatu digu, bertsoei ere “falta gabe” ematen die begiradatxoa, eta elkarrizketak ere atsegin ditu. Tira ba, Naroa, badaukazu zure filmak grabatzen hasteko jostailua! Eskerrik asko fideltasunagatik, eta gozatu!

---