ZIRT-ZART: MIRARI MARTIARENA

MIRARI MARTIARENA (OIARTZUN, 1986) UMOREGILEA, GIDOIGILEA ETA KAZETARIA DA. IDOIA TORREGARAIREKIN BATERA BAKARRIZKETAK EGITEN ERE ARITZEN DA. EGUN, HITZOKEI SAIOAN ERE IKUS DEZAKEGU BERTSOLARITZAREN NONDIK NORAKOAK KONTATZEN.  

• Zeinengatik aldatuko zinateke, aldatuko bazina?
  Bolada batez, Mediterraneoko uharte txiki batean lasai bizi den pertsona batengatik. 
• Sekula egin ez dizuten zer galdera egitea gustatuko litzaizuke?
  Zuen etxean zer ordutan bazkaltzen da?
• 'Clickbait' egiteko zein titularren protagonista izatea gustatuko litzaizuke?
  Idoia Torregarai eta Mirari Martiarenak umore saio berria estreinatu dute.
• Zer plater kozinatu ahalko zenuke momentu honetan hozkailuan duzunarekin?
  Letxuga, tipula eta tomate entsalada, oilasko zatiekin.
• Zein da deskargatu duzun azken app-a?
  Sticker maker.

• Zure hurrengo bakarrizketak Whatsappeko zure azken mezuaren izenburua izango balu, zer izen izango luke?
  “Eta geratu da betiko liantea bezela”.
• Interneten zuri buruzko gauzen bila aritu izan al zara?
  Bai, Wikipediak nik baino gehiago daki nitaz.
• Nolakoa litzateke zure egun perfektua?
  Kroketak jatea planen artean duen edozein egun.
• Zer abesti aukeratuko zenuke zure hiletarako?
  Julieta Venegasen El presente.
• Nola hil nahiko zenuke?
  Txorakeriaren bat esan berritan.
• Zerurik izango balitz, Jainkoak zer esatea gustatuko litzaizuke sarrerara iristean?
  “Eunon Jainkoak!”.

• Zer da egin duzun erokeriarik handiena?
  Bakarrizketak egiten hastea. Handiena eta ederrena.
• Zer bertute balioesten da behar baino gehiago?
  Konstantzia. Zertarako egin pixka bat egunero, bezperan egin badezakezu?
• Noiz esaten duzu gezurra?
  Nire ilobaren marrazkiak asko gustatzen zaizkidala esaten dudanean.
• Zer pentsatuko luke zure bertsio gazteagoak zutaz?
  Benetan hori dena egingo dut?

• Zer hitz edo esaldi erabiltzen duzu behar baino gehiagotan?
  Nik ez dut alferrik hitz egiten.
• Esateaz berehala damutu zaren esaldia?
  Gainezka nagoenean: “Edozer behar duzula, esan lasai, laguntzeko nago”.
• Zure ezaugarriren bat aldatu ahalko bazenu, zer aldatuko zenuke?
  Nire lana gutxiesteko joera.
• Zer birao duzu gustukoen?
  Ustel zikina.
• Nola deskribatuko zenuke zure burua hiru hitzetan?
  Hau emakume puska.
• Dena dakien izaki bati galdera bat egin ahal izango bazenio, zer galdetuko zenioke?
  Asteburuan zer eguraldi egingo du?
• Jendeak zutaz zer pentsatzen duen jakin nahiko al zenuke?
  Ez. Nahikoa lan badut nitaz zer pentsatzen dudan garbi izaten.
• Zer azaltzen da zure mugikorrean gordeta duzun azken argazkian?