“Nire jatetxe faboritoko hanburgesa jaten dudan bakoitzean naiz zoriontsu”

• Zer da zuretzat zoriontasuna?
  Lasai egotea, maite ditudan pertsonekin.
• Zoriontsua zara? Gogoratu ditzakezu zure hiru momentu zoriontsuenak?
  Orokorrean, bai.
  1. 2022ko uda, orokorrean.
  2. Madrilen diskoa grabatzen egon ginen astea.
  3. Nire jatetxe faboritoko hanburgesa jaten dudan bakoitzean naiz zoriontsu.
  
  

• Zein da zure ogitarteko gustukoena?
  Txokolatea ogi artean.
• Zure hurrengo diskoak Whatsappeko zure azken mezuaren izenburua izango balu, zer izen izango luke?
  “Baizea!!!”
• Nori bidali diozu azken mezua?
  Nire lagunei.
• Zer abestik gogorarazten dizu zure haurtzaroa?
  La casa por el tejado – Fito & Fitipaldis.
• Zer abesti aukeratuko zenuke zure hiletarako?
  Stand by me – John Lennon (Remastered 2010).
  
  

• Zer da egin duzun erokeriarik handiena?
  Musikan nire bakarkako proiektua hastea.
• Zure zer ezaugarri gustatzen zaizu gutxien?
  Segurtasunik eza.
• Eta gehien?
  Langilea naizela.
  
  

• Zer hitz edo esaldi erabiltzen duzu behar baino gehiagotan?
  “Ai ama”. Ezin dut saihestu, bizitzak beti harritzen nau.
• Zure ezaugarriren bat aldatu ahalko bazenu, zer aldatuko zenuke?
  “Ai ama” gutxiagotan esatea.
• Zuri buruz zer esatea gustatuko litzaizuke hemen ez zaudenean?
  Pertsona ona nintzela. Saiatzen naiz izaten behintzat, kar-kar-kar.
  
  

• Zer talentu izatea gustatuko litzaizuke?
  Ondo marrazten jakitea.
• Hil aurretik egitea gustatuko litzaizukeen zerbait?
  Herrialde tropikal batean hilabete batzuk bizitzea.
• Nork dakizki zure sekretu gehien?
  Nire txakurrak.
  
  

• Nolakoa litzateke zure egun perfektua?
  Alarmarik gabe esnatu, lasai gosaldu, Lazkaomendira pasieran joan eta arratsaldean estudiora.
• Fikziozko zer pertsonaia nahiko zenuke laguntzat?
  Better Call Saul-eko Kim Wexler.
• Hilabete hauetan gertatuko den zeren zain zaude?
  Martxoaren 24an nire lehen diskoa, Loratzen, atera nuen!