ZIRT-ZART: LEIRE BERASALUZE
“Doktorego tesitik bizirik atera izana da nire lorpenik handiena”
![ZIRT-ZART: LEIRE BERASALUZE ZIRT-ZART: LEIRE BERASALUZE](https://www.gaztezulo.eus/albisteak/zir/@@images/9d30e11e-bb68-4901-92c0-4052752b22a3.jpeg)
LEIRE BERASALUZE (ADUNA, 1992), LEIRE LETU IZENEZ EZAGUNA, KRIMINOLOGOA ETA ZUZENBIDEAN DOKTOREA DA, BAINA ASKOK MUSIKARIA DELAKO EZAGUTUKO DUZUE. ZUEK ERABAKI BERE ERANTZUNAK KRIMINALAK DIREN ALA EZ.
- Nori bidali diozu azken mezua? Eta zer mezu izan da?
Amets Aznares tronboi-jotzaile lagunari. “Bettu hola geatu naiz” eranskailua. - Nork dakizki zure sekretu gehien?
Olaia Inziarte izan daiteke pertsonetako bat. - Zer abestik gogorarazten dizu zure haurtzaroa?
Eagles-en New kid in town. - Zer janari konbinazio bitxi duzu gustuko?
Aliolia eta roquefort saltsa. - Zer da zure lanbidean ikasi duzun gauzarik bitxiena?
Bai musikak eta bai unibertsitateak: egoaren beharrezko kontrola, umiltasuna bidea izanda. - Zer hitz edo esaldi erabiltzen duzu behar baino gehiagotan?
“No haze”. - Zer prestatu ahalko zenuke oraintxe bertan hozkailuan daukazunarekin?
Ezer gutxi. Uraza entsalada, tomate apur batekin eta aguakate laurden batekin. - Zer momentutan sentitu izan zara zoriontsuen?
2022ko abenduaren 25ean, Iruñeko Zentraleko kontzertuan, Joseba Tapia eta Chill Mafiarekin eszenatokia partekatzen eta ondorengo parrandan. - Zertaz damutzen zara gehien?
Egia esan, ezertaz ez. Zerbait esatekotan, parrandan ibili, etxerako ordua dela jakin, baina bertan jarraitzeaz (behin baino gehiagotan). - Zer soinu edo zarata gustatzen zaizu gehien?
Dultzaina. - Zer izan da zure lorpenik handiena?
Doktorego tesitik bizirik ateratzea. - Tatuaje bat egin beharko bazenu gaur, zer izango litzateke?
Eguzki bat esan behar nuen, baina badut. - Zer izan da lagun bat laguntzeko egin duzun erokeriarik handiena?
Ingeleseko titulu bat faltsifikatzea. - Nola hartzen dituzu erabaki zailak?
Nire ilargia Kaprikornion dudanez, hoztasun absolututik, eta ondoren prozesatu eta negar egin. - Nola deskribatuko zenuke zure burua hiru hitzetan?
Alaia, inpultsiboa, eta dramatikoa. - Jabetzan duzun zer gauza bota beharko zenuke?
Armairuko hainbat janari. - Dena dakien izaki bati galdera bat egin ahal izango bazenio, zer galdetuko zenioke?
“Eta bizitza amaitzean, zer?”. - Zer oroitzapen ezabatu nahiko zenuke eta zein betiko gogoratu?
Ez nuke bakar bat ere ezabatuko, eta betiko gogoratu… gehiegi! - Zer da besteengan gehien gorroto duzuna?
Nahiago maitatu gorrotatu baino, beti. - Zer pentsatuko luke zure bertsio gazteagoak zutaz?
“Aupa hi! Merezi izan du!”. - Zuri buruz zer esatea gustatuko litzaizuke hemen ez zaudenean?
“Neska jatorra zen”.