ZENBAIT UNIBERTSITATE-IKASLEK ETEN DIGITALA GAINDITZEN LAGUNDUKO DIETE ADINEKOEI

ZENBAIT UNIBERTSITATE-IKASLEK ETEN DIGITALA GAINDITZEN LAGUNDUKO DIETE ADINEKOEI Horretarako Euskadiko eta Nafarroareko herrietan zehar bira egingo dute. Ekimenak Guuk eta Mondragon Unibertsitateko LEINN graduaren arteko I. Hackathon ekitaldian du jatorria, eta Euskadiko Telekomunikazio Ingeniarien Elkartearen laguntza du. https://www.gaztezulo.eus/albisteak/zenbait-unibertsitate-ikaslek-eten-digitala-gainditzen-lagunduko-diete-adinekoei/@@download/image/tour_konekta_tu006p.jpg
2022/05/20

Testua: Jaione Dagdrømmer @hellehellei

Horretarako Euskadiko eta Nafarroareko herrietan zehar bira egingo dute. Ekimenak Guuk eta Mondragon Unibertsitateko LEINN graduaren arteko I. Hackathon ekitaldian du jatorria, eta Euskadiko Telekomunikazio Ingeniarien Elkartearen laguntza du.
ZENBAIT UNIBERTSITATE-IKASLEK ETEN DIGITALA GAINDITZEN LAGUNDUKO DIETE ADINEKOEI

Konekta-tu programa abiatu dute Mondragon Unibertsitateko Lidergo Ekintzaileari eta Berrikuntzari buruzko LEINN graduko zenbait gaztek, adinekoei eten digitala gainditzen laguntzeko asmoz. Euskadiko eta Nafarroako hainbat herri bisitatuko dituen formakuntza bira antolatu dute, maiatzaren 30ean hasita. Ikastaroa doakoa izango da erabat, eta talde txikietan emango dira, arreta pertsonalizatua izan dadin. Saioetan, adinekoek aukera izango dute smartphone bat edo ordenagailu bat nola erabili ikasteko, Whatsapp, Google Maps, Google Calendar edo tankerako aplikazioetan sakontzeko eta Interneten erabilerari buruzko zalantzak edo beldurrak uxatzeko. Dagoeneko irekita dago Bilbo, Irun, Oñati, Gasteiz eta Iruñeko ikastaroetarako izena emateko epea, 623 165 837 telefono-zenbakira deituz.

Pandemiak adineko askoren digitalizazioa ekarri du:  2021ean, 65 eta 74 urte bitarteko pertsonen % 73,3k erabiltzen zuen Internet, INEren arabera; 2006an, berriz, % 5,1ek baino ez. Hala ere, teknologia berrietara egokitu ez direnak gehiago urrundu dira, eta gehiago nozitzen dute bakartzea. Hori dela eta, adineko pertsonen % 68k ez du teknologia eguneroko jardunean erabiltzeko adinako trebetasun digitalik. Egoera hori aldatzen laguntzea eta, aldi berean, belaunaldien arteko harremana indartzea da proiektu honen helburua. Bennu Team Company startup-a sortu dute horretarako eta Konekta-tu proiektua bultzatu dute. Ekimenak hainbat kolaboratzaileren laguntza du: Guuk telekomunikazioen euskal konpainia, Euskadiko Telekomunikazio Ingeniarien Elkartea eta errealitate birtualean espezializatua dagoen Oroi enpresa. 

Konekta-tu proiektuaren hazia 2021eko martxoan Guuk-ek bultzatuta egin zen I. Hackathon ekitaldian erein zen. Bertan, Mondragon Unibertsitateko graduko ikasleek soluzio berritzaileak landu zituzten telekomunikazioen sektoreko erronka garrantzitsuetarako. Bennu Team Companyren sortzaileek aurkeztu zuen ideia izan zen irabazlea, eta ideia hura da Konekta-tu proiektuaren hazia. “Badakigu eten digitala dagoela adineko pertsonen eta teknologiaren artean, haiek teknologia gaizki erabiltzeko beldurra dutelako, Interneten engainatuak izateko beldurra dutelako eta ez zaielako beharrezkoa iruditzen beren bizitzarako. Hala ere, guk uste dugu ezen, beldur hori kentzen laguntzen badiegu, aliatu handia izan daitekeela teknologia haientzat, bai maite dituzten pertsonekin konektatuta egoteko, bai online transakzioak egiteko, bai klik batez informatuta egoteko, eta proiektuko taldekide guztiok ilusio handia jarri dugu proiektuan”, dio María Belak, proiektuaren bultzatzaileetako batek. 

Zahartze aktiboa eta belaunaldien arteko harremanak
Zahartze Aktiboari buruzko Liburu Zurian jasotzen den bezala, belaunaldien arteko harremanak funtsezkoak dira gizartea modu aktiboan zahartzea lortzeko; izan ere, uste da hobeto zahartzen dela pertsona bakoitzak onartzen eta garatzen baditu bere belaunaldi-kontzientzia eta belaunaldien arteko praktika egoki batzuk. Konekta-tu proiektuak balioa ematen dio baieztapen horri, eta ekintzaren bidetik ekiten dio erronka horri, adinekoak gizartean sartzea erraztu nahi duten tailerren bidez, zeinak ikasle gazteek ematen baitituzte.