Ze plan astebururako?
BILBO: ARRAKALA
Bilboko BIBA! kultur etxean, Arrakala kontzertu akustikoarekin hasiko zara asteburuaren zapore gozoa dastatzen. 21:00etan hasiko da ekitaldia, eta onena, doan dela! Informazio gehiagorako, egin klik.
AZPEITIA: Gorka Urbizu eta Gotzon Barandiaran
Aurten Ahotseneak hamar urte betetzen dituela eta, Azokako gune hau izango da estreinaldiko bira honen protagonista nagusia. Lau geltoki izan ditu: Tafalla, Bilbo, Gasteiz eta azkenik, Azpeitia. Bertan, Sanagustin kulturgunean, ez galdu Urbizu eta Barandiaranen zuzenekoa, 20:00etan.
IRUÑEA: Dantz!
DanZ dantza-gunea Iturramako Civivoxera iritsiko da ostiral honetan, eta 2018ko urtarrilaren 31era arte, lau ikuskizun ikusteko aukera duzu hiru euroren truke. Ez galdu Raiñas (Rdanxa Dance Company) ikuskizunaren estrenaldia 20:00etan Iturramako Civivoxen!
ARRIGORRIAGA: Anari
Udazkeneko kontzertu jaialdia antolatu dute Arrigorriagan, eta Anarik zuzenekoa eskainiko du ostiralean, hilak 17, Lonbo aretoan, 20:00etan. Sarrerak 5 eurotan!
BILBO: Ainara LeGardon
Ainara LeGardonek Urpeko musika album berria aurkeztuko du Azkuna Zentroan, lan horren estreinaldia izango den kontzertu bakarrean. Eszenaratzean, Ainara LeGardonek talde osoaren laguntza izango du, boskote gisa: Xabier Erkizia (musikari eta ekoizlea), Rubén Martínez (baxua), Héctor Bardisa(bateria) eta Hannot Mintegia (gitarra, koruak). Emanaldia ostiralean izango da, hilak 17, 21:00etan. Sarrerak berriz, 6-8 eurotan.
GASTEIZ: Jokoa
Nazioarteko Antzerki Jaialdiarekin egiten duen laugarren lankidetzan, Parasite kolektiboak Jokoa aurkezten du, jolas formatua duen proposamen eszenikoa, dantza ukitu nabarmenez. Emanaldia asteburu guztian zehar ikusteko aukera duzu, 20:00etan, Baratza aretoan:
hello. kaixo. hola.
Egin dezagun jolas azkar bat.
Pentsatu norbaitengan.
Prest? Orain erantzun galdera hauei:
Nolakoa da?
Katua ala txakur emea?
Aiztoa ala labana?
Tantoak ala marrak?
David Bowie ala Rafaela Carra?
Urrea ala zilarra?
Gaua ala eguna?
Eta hark zer uste du zutaz?
