Ze plan astebururako?

URTARRILAK 9, OSTEGUNA
Kabigorriko bertso-gauak (bertsolaritza)
Non: Kabigorri, Irun (Gipuzkoa)
Ordua: 19:30
Irunabar Irungo Bertsoaren bilguneak Kabigorri ostatuan bertso saio bikaina osatu du Adrian Arruti, Haritz Casabal, Nerea Elustondo eta Nerea Ibarzabalekin batera.

Moonshakers (musika)
Non: Arrasateko gaztetxea (Gipuzkoa)
Ordua: 22:00
Prezioa: 5 euro
Kooltur Ostegunak ekimenaren baitan Arrasateko gaztetxean ostegunero kontzertu sorta bat antolatu nahi du. 2020. urtea indartsu dagor Moonshakers taldearekin.

Xatiro + Dupla (musika)
Non: Kafe Antzokia, Bilbo (Bizkaia)
Ordua: 21:30
Prezioa: Aldez aurretik 6, bertan 8 euro.
Egun egungo doinuak ekarriko dituzte Xatiro eta Dupla taldeek. Trap, hip hop eszenan zeresana ematen ari diren taldeak arituko dira gaur Bilbon zein baino zein.

URTARRILAK 10, OSTIRALA
Zaldi Urdina (antzerkia)
Non: Modelo aretoa, Zarautz (Gipuzkoa)
Ordua: 22:00
Prezioa: 10 euro
Aingeru 17 urteko mutil gaztea da. Desagertu egin da tekno jaialdi baten erdian, bertako gazte bati bihotzekoak eman ondoren. Zaldu urdina deitzen den droga berri batek eragin dio heriotza gazteari. Polizia Aingeruren bila dabil...

Arima (musika)
Non: Kataku ostatua, Bera (Nafarroa)
Ordua: 23:00
Prezioa: Doan
Metamorphosis deitutako euren lana aurkezten arituko da Beran Arima taldea. Paule Bilbaok sortutako musika ilun, itogarri bezain gozagarriaz gozatzeko aukera egongo da bertan.

Mikel Uraken (musika)
Non: Müllerenea, Bilbo (Bizkaia
Ordua: 20:00
Prezioa: Doan
“Izaki Bizidun Berriak” diskoa aurkezten jarraitzen du Mikel Uraken musikari bizkaitarrak. Bere musika partikular, bezain intimoa zuzenean entzuteko aukera paregabea.

G.A.Z. Limbo + Hil Norbait + Horzdun + Holy Txala (musika)
Non: Mogambo aretoa, Donostia (Gipuzkoa)
Ordua: 20:30
Prezioa: 5 euro
Aukera ederra doinu gogor eta alternatiboen zaleentzat, eskaintza paregabea.

URTARRILAK 11, LARUNBATA
Lukiek + Hartz + Murgi (musika)
Non: Zumarraga-Urretxuko gaztetxea (Gipuzkoa)
Ordua: 21:00
Lukiek talde bere lehen diskoa defendatzen dabil. Bizkaitarren gitarra dantzagarriei laguntzen Hartz eta Murgi talde interesgarriak ere egongo dira.

Willis Drummond + Aiora eta Piti + Iluma + Astobaba + Rakata'punk (musika)
Non: Baionako Elkarteen etxean (Lapurdi)
Ordua: 19:00
Prezioa: Aldez aurretik 10, bertan 12 euro
Kontzertu akustikoak izango dira eta bertatik ateratzen den etekina Wolfram sindromearen aurkako ikerketan laguntzera bideratuko da. Izen handiak gau eder batez gozatzeko.

Hamlet (musika)
Non: Mendigo aretoa, Barakaldo (Bizkaia)
Ordua: 21:30
Prezioa: Aldez aurretik 15, bertan 18 euro
Hamlet taldeak jada ibilbide luzea du atzetik, baina ez daude atseden hartzeko prest. Gurera hurbildu dira beste behin doinu zaratatsu bezain ilunak eskaintzera.

URTARRILAK 12, IGANDEA
Zama Doinuz Arindu: Anari + Aiora & Piti + Juantxo Skalari + Esti & Mikel Markez + Anita Parker + Haimar Arejita & Keu Agirretxea + Bad Sound + Roten XIII (musika)
Non: Kultu etxea, Etxarri Arantz (Nafarroa)
Ordua: 17:00 / 19:30
Prezioa: 15 euro
Zama Doinuz Arindu jaialdiaren bosgarren edizioa ospatuko da. Bi saio eskainiko dira, lehena 17:30etan eta bigarrena 19:30etan. Zortzi musika proposamen igoko dira agertokira, egungo euskal eszenako izen entzutetsuak.