Zaratak hiriak hartu ditu

Zaratak hiriak hartu ditu Kutsadura akustikoak 12.000 hildako eragiten ditu urtean Europan. https://www.gaztezulo.eus/albisteak/zaratak-hiriak-hartu-ditu/@@download/image/e-blog_19_05_27_R_Listado_Cabecera_985x500.jpg
2020/03/09
berria

Ane Urrutikoetxea @aneurruti

Kutsadura akustikoak 12.000 hildako eragiten ditu urtean Europan.
Zaratak hiriak hartu ditu

Beharbada ez gara konturatzen, baina hiriak geroz eta zaratatsuagoak dira, eta horrek gure osasunean eragin zuzena du. Europako hiri handienetan arazoa larria da; 5 europarretatik batek gehiegizko kutsadura akustikoa jasaten du. Datuak Ingurugiroaren Europako Agentziak eskaini ditu, eta ikerketan zehazten dutenez, kutsadura maila gora doa etengabe.

Datuek hauxe diote; egunero, 113 milioi lagunek jasaten dute 55 dezibeliotik gorako kutsadura akustikoa, gomendatutako maximoa nabarmen gaindituz. Zifrak gora doaz, eta egun, zonalde urbanoetako hiritarren %50 jasaten dute 55dzb-tik gorako kutsadura akustikoa. 

Eragileak autoak dira nagusiki, baina trafikoa ez da errudun bakarra; hegazkinak, trenak eta industria jarduerek ere badute eraginik. Arazoari aurre egiteko, Parisen adibidez, zarata neurtzeko radarrak jarri dituzte erdigunean. 

Zarataren afera ez da txantxetarako kontua; ikerlarien arabera, kutsadura akustikoak 12.000 heriotza goiztiar eragiten ditu urtero europan, eta horrekin batera 48.000 bihotzeko arazo eragiten ditu. Hain zuzen, 40dzb-tik gorako zarata maila jasateak estresa eragiten du, kortisol mailak igoz, eta hipertentsioa eraginez.