Zabalik da "Irudimena" lehiaketan parte hartzeko epea

Euskal Kultur Erakundeak eta Azkue Fundazioak antolatuta, 'Irudimena' lehiaketa martxan da bigarren urtez. Parte hartu nahi dutenek argazki batean oinarritutako testu edota irudi bat sortu beharko dute, eta maiatzaren 15a baino lehenago bidali. Sari potoloak banatuko dituzte irabazleen artean.

---

Lehiaketan parte hartu nahi baduzu, hemen sartu eta hamabi irudien artean bat aukeratu behar duzu. Besteak beste, pilota plazan, toponimia, euritakoak, marrazten, SMS, Herri Urrats edota panderoa bezalako gaiak dira berauetan antolatzaileek proposatu ditzutenak.

Ondoren, bi aukera daude: argazkian oinarrituz euskarazko testu bat idaztea, edota irudi berri bat sortzea. Testua edozoin generotakoa izan daiteke, poesia, narrazioa, deskripzioa, bertsoak, nanoliteratura –—adibidez twiteratura—, etab., eta sortutako irudi berria ere mota askotakoa izan daiteke, hala nola, argazkia eraldatutako irudia, marrazki edota margoa, hiru dimentsiotako irudia, etab. Halaber, nahi duenak biak egin ahal izango ditu.

Ondoren, inprimaki hau bete eta mezu bat bidali beharko dute info@irudimena.com helbidera, aukeratu duen argazkiaren zenbakia zehaztuz. Epea maiatzaren 15era bitartekoa da, eta sari banaketa ofizilaa Bilbon egingo dute ekainaren 4ean. Ez aukera galdu!