XILABA 2020 BERTSULARI TXAPELKETAri irailaren 19an emango zaio hasiera

Bertsularien Lagunak elkarteak jakinarazi duenez irailaren 19an Hiriburuko La Perle aretoan hasiko da 2020. urteko Xiberoa, Lapurdi eta Baxenabarreko Bertsulari Txapelketa. Finala berriz, Donibane Lohitzunen izango da azaroaren 21ean. Guztira hamar saio izango dira eta 28 bertsolarik hartuko dute parte. 

Aipatzekoa da aurtengo edizioan inoiz baino gazte gehiagok hartu dutela parte, hala azaldu du elkarteak: Salto bat eman dugu, eskolartekoan ikusi zen bezala, agertuz, bietan ahal izateak garbi agertzen duela lanaren fruituak biltzen ari garela, eta pentsatzen dugu ez dela kasualitatea. Beraz, badirudi, osasun egoerak gehiegi baldintzatzen ez badu, iparraldeko euskalgintzak eta bertsolaritzak etorkizun bat ziurtatua badutela. 

Hain da horrela, aurtengo txapelketa leku berrietara iritsi dela: Ipar Euskal Herri guztiak merezi baitu bertsuaren haizea sentitzea. Hala, Hiriburu, Ainhoa, Larzabale, Bokale, Sohüta, Izpura eta Bardoze herrietan ere izango da 2020ko Xilaba.

COVID-19a dela eta, neurriak hartu eta indarrean izango diren arauak beteko dira. Ikusleak maskararekin egon beharko dute eta normalean baino goizago etortzeko ere eskatuko zaie. Sarreren eta salmenta lekuen inguruko informazioa web gune honetan: www.bertsozale.eus/xilaba