Uztailaren 12tik 15era bitarte izango da Hondarribia Blues Festival

Guztira 18 ekitaldi ikusi ahal izango dira uztailaren 12tik 15era bitarte Hondarribian, zazpigarrenez antolatu duten Blues Jaialdian. Besteen artean, Eric Sardinas, Robert Gray, Zora Young eta Eddie Shawen zuzenekoak bizi ahal izango dituzte bertaratuko diren guztiek.

---

Aurreko urteetako arrakasta ikusita, aurten ere abian da Hondarribia Blues Festivaleko egitaraua. Uztailaren 12tik 15era bitarte izango da, eta 18 emanaldi baino gehiago ikusgai egongo dira jaialdirako egokituko diren lau agertoki nagusietan.
Nagusia, urtero bezala, Bentan izango da, baina horretaz gain Calsbergena jarriko dute Apezpiku plazan, Gazte Taldearena Gipuzkoa plazan eta, azkenik, Coca Colarena San Pedro Kalean.
Nazioarteko blueslari handiak ez dira faltako zazpigarren edizio honetan, eta horien artean, Eric Sardinas, Robert Cray, Tail Dragger, Zora Young eta Eddie Shawen mailako artistak entzun ahal izango dira Hondarribian.
Jaialdiak gainera, berrikuntzak ere izango ditu aurten, eta horien artean azpimarratu daiteke Blues for Children izenarekin bataiatu duten elkartasunezko ekimena. Honen bitartez haurrei laguntzeko erakunde batentzat funtsak biltzea izango da helburua, 'elkartasunezko txapa' erosita.