UEMA Eguna izango da larunbatean Goizuetan

Euskararen normalizazioaren alde, datorren larunbatean, ekainaren 9an, Udalerri Euskaldunen Mankomunitatearen (UEMA) Eguna egingo dute Goizuetan. 'Euskaraz bizi eta ari, herri euskaldunak aintzidari' lemapean, egun guztirako egitaraua prest da dagoeneko.

---

Egitasmoa UEMA Egunaren aurkezpenean aldarrikatu bezala, euskararen normalizazioaren alde ari da lanean azken urteetan bezala, eta lehendakariak, Maren Belastegik, aldarrikatu bezala UEMAk hizkuntza eskubideen aldarrikapenen aitzindari izan behar du jomuga, aurrerapausoak eman ahal izateko.
Ibilbide horretan, aurten Goizuetan izango da UEMA Eguna, eta antolatzaileek hamaika ekitaldi jarri dituzte martxan. Goizean zehar, artisauak, dantzariak eta musikariak ibiliko herriko kaleak girotzen, eta Herriko Etxera bisita gidatuak ere izango dira. Goiz eta arratsaldean, gainera, haurrentzako txokoa ere izango da, puzgarri, joko eta tailerrekin.
Eguerdian, Herri Bazkaria antolatu dute eta arratsaldean berriz, dantzaldia izango da. Eguna behar bezala amaitzeko, Gaztetxean kontzertuak antolatu dituzte.