Turismo masiboak Louvre museoa itxi du
Ane Urrutikoetxea @aneurruti
Urtean 10,2 milioi turistek bisitatzen dute Parisko Louvre museoa, eta azken urtean bisita masiboek gora egin dute nabarmen, Beyoncéren bideokliparen ondorioz gertatutako boom-a tarteko. Aldiz, langileen baldintzak ez dira apur bat ere hobetu, alderantziz; munduko museo bisitatuenean gordetzen diren artelanen zaintzaileek ezin dute gehiago, eta hala, astelehen honetan, hilak 27, ateak itxi dituzte protesta moduan.
⚠ Fermeture exceptionnelle ⚠
— Musée du Louvre (@MuseeLouvre) 27 de mayo de 2019
En raison d’un droit de retrait effectué par une partie des agents d’accueil et de surveillance du musée lié à la forte affluence, le musée du Louvre sera exceptionnellement fermé ce lundi 27 mai 2019.
Turistek segituan suntsitu dute Louvren jarritako arte instalazio urbanoa.
Twiterren zabaldutako mezuan, museoko langileek azaldu dute ez direla gai azkenaldian jasotzen duten bisita kopuru masiboari aurre egiteko, eta lan baldintza hobeak eskatu dituzte. Hain zuzen, azken bi urteetan %25 igo dira bisitak. Museoko langileek salatu dutenez, egoera "jasangaitza" bihurtu da, eta dagoeneko ez dira gai beren lana baldintza egokietan betetzeko.
Munduko leku ezagunenen kolapsoa
Ez da bisita masiboen maila gorenetara iritsi den leku bakarra. Hain zuzen, hilabete honetan mundu osoa Everest mendi tontorrari begira jarri da, bertatik iritsi diren irudi ikaragarriengatik; hain zuzen, munduko sabaia jendez gainezka ikusi dugu, egun bakarrean ehunka lagunek aldi berean tontorra igo ondoren. Venezia, Paris, Bartzelona edota Euskal Herriko hainbat txoko dira turismo masiboa jasaten ari diren bestelako helmugak.
