Tolosandblues musika jaialdia gaurtik astelehenera izango da Tolosan

TolosandBlues musika jaialdiaren edizio berria gaurtik astelehenera bitarte izango da, eta zortzi kontzertu izango dira guztira.  Kontzertuetan musika estilo desberdinak (blues, swing eta twist, rockabilly, rock and rolla, gospel, jazz,…) entzun ahalko dira.

Ohiko moduan, herriko hainbat eremutan gauzatuko dira kontzertuak: Trianguloan, Gipuzkoa plazan, Txurrerian, Lopez Mendizabal plazan, Plaza Berrian, Zerkausian eta Euskal Herria plazan.

Honako talde hauek joko dute: Blues Morning Singers, Micky and the Buzz, Mingo Balaguer, Pablo Sanpa Blues Band, Fake Cousins, Cecilya Mestres & The Candy Kings, Shanna Waterstown, Balta Bordoy & The Bad Boys eta Tommy Castro & The Painkillers.

Jaialdiaren azken egunean, astelehenean, masterclassa ere antolatu dute Kultur Etxeko areto nagusian, Tommy Castro artistak gidatuta. Arratsaldeko zazpietan izango da saioa. 

Lehen kontzertua gaur bertan izango da eta Blues Morning Singers taldea arituko da Triangulo plazan, 20:00etan.