“Tin Boat to Tuna Town” ****

“Tin Boat to Tuna Town” **** https://www.gaztezulo.eus/albisteak/tin-boat-to-tuna-town/@@download/image/Druid_Perfume_Tin_Boat_to_Tuna_Town.jpg
2011/03/04
kritika
Testua: Julen Azpitarte
Druid Perfume
116.zenbakia
AEBetako Piranhas-en arituriko zenbait taldekidek abiaturiko egitasmo hau definitzea benetan zaila da. Iaz zendu zen Captain Beefheart musikari aparta datorkit burura ("blues kubista" egiten zuela zioen). Aipaturiko estilo horretatik eta jazzetik abiatzen den punk garaikidea eta bitxia da Druid Perfumena. Horren erakusle, haize instrumentuek (saxoa eta tronpeta) eta ahots urratuak grabazio honetan egiten duten lan borobila. Horrek guztiak egiten du talde honen jarioa berezia eta, era berean, erakargarria. Ornette Colemanen zalea zein Butthole Surfers taldearen jarraitzailea harrapatuko ditu, modu errazean gainera, horretarako ez baitu entzunaldi askorik exijitzen.