'The Handmaid's Tale' telesailaz ez dakizkizun zortzi kontu

'The Handmaid's Tale' telesailaz ez dakizkizun zortzi kontu Hauetako zenbat datu bitxi ezagutzen zenituen? https://www.gaztezulo.eus/albisteak/the-handmaids-tale-telesailaz-ez-dakizkizun-zortzi-kontu/@@download/image/offred-1524710464.jpg
2018/08/06
berria
Hauetako zenbat datu bitxi ezagutzen zenituen?
'The Handmaid's Tale' telesailaz ez dakizkizun zortzi kontu

Modako telesaila da Huluk ekoitzitako The Handmaid's Tale telesaila. Dagoeneko estreinatu dute bigarren denboraldia, eta zer esan handia eragin du jarraitzaileen artean; batzuek gogorregia dela diote, besteek harrituta jarraitzen dituzte Gilead mundu distopikoan gertatzen direnak. Ez gara epaiketetan sartuko; horren ordez, telesailaren inguruko zortzi kontu bitxi ekarri dizkizugu!

 

1) Margaret Atwood idazleak "kameo" bat egin zuen lehen denboraldian: Dakizuenez, telesail famatua Margaret Atwood idazlearen eleberri laudatuan oinarrituta dago; bada idazleak Martha baten rola egin zuen lehen denboraldian!

 

 

2) Gertaera lazgarrienak kasu errealetan oinarrituta daude: Tristea eta beldurgarria izan arren, egia da. Telesaileko gertaera ikaragarrienak benetan gertatu dira noizbait; idazleak gizonek eragin dezaketen indarkeria islatu nahi zuen gordin, ezer asmatu gabe.

3) Elisabeth Moss aktoreak makilatu gabe antzezten du: Defret neskamearen rol protagonista egiten du Elisabeth Mossek, eta lehen denboraldia osorik egin zuen makilatu gabe, kameraren aurrean gertaeren gordintasuna islatu ahal izateko.

4) Liburuan ez da Defret-en benetako izena esaten: Telesailean lehen unetik dakigu Defret-en aurreko izena June zela; ordea, liburuan ez dute argitara ematen.

5) Moira zuria da liburuan: Defret edo Juneren lagunik onena ez da beltza eleberrian; hain zuzen, Gileadeko erregimen arrazistak Nebraskara eramaten ditu beltz edo beltzaran guztiak, baina telesailak ezabatu egin zuen detaile hori.

6) Neskameen kolore gorriaren zergatia: Neskame guztiak gorriz jantzita doaz. Lehenik eta behin, ihes egiterakoan ondo ikusten den kolorea delako; arrazoi erlijiosoak ere baditu, Maria Magdalena gorriz janzten omen zelako, eta gainera, erditzearen odolaren sinboloa da. Aldiz, Emazteen urdin kolorea Ama Birjinarekin lotuta dago.

7) Opera bat egin dute: Eleberriak ez du soilik telesaila inspiratu, baita opera bat ere. Poul Ruders daniarra da konposatzailea, eta idazleari asko gustatu zitzaion ideia.

8) 90ean film bat egin zuten: 1990ean estreinatu zuten filma, baina ez zuen arrakasta handirik izan.