Snoqualmie tribuak 'Twin Peaks'-eko ur-jauzia berreskuratu du

Snoqualmie tribuak 'Twin Peaks'-eko ur-jauzia berreskuratu du 125 milioi dolar ordaindu dituzte haientzat leku sakratua den eremu turistikoa eskuratzeko. https://www.gaztezulo.eus/albisteak/snoqualmie-tribuak-twin-peaks-eko-ur-jauzia-berreskuratu-du/@@download/image/ac161b04-052f-44e6-9200-3e9f75d81a92.jpg
2019/11/04
berria

Ane Urrutikoetxea @aneurruti

125 milioi dolar ordaindu dituzte haientzat leku sakratua den eremu turistikoa eskuratzeko.
Snoqualmie tribuak 'Twin Peaks'-eko ur-jauzia berreskuratu du

Twin Peaks 1990eko telesailak telebista goitik behera astindu zuen, eta horren harira, mundu osoan famatua bihurtu zen Snoqualmie Fall-eko ur-jauzia. Hain zuzen, gunean Salish Lodge hotel ezaguna, spa eta paradisua dirudien basogune eder bat daude; guzti hori erosi du Snoqualmie tribuak, 125 milioi dolarren (112 milioi euro) truke. Hala, beren jatorrizko lur sakratuak berreskuratu dutu Washington estatuko Puget Sound eremuko tribu honek.

Snoqualmie tribuak urteak daramatza bere lurralde tradizionalak erosi eta antzinako eremu geografikoak pixkanaka berreskuratzen. Twin Peaks telesailari esker eremu turistiko bilakatutako inguru sakratua zaintzeko helburua dute, ingurugiroa babestuz eta turismo masiboa kontrolatuz. Gainera, inguruaren jatorri historikoari dagokion garrantzia emango diote.

Hain zuzen, 2007an Muckleshott tribuak erosi zuen gune hau, beren taldearen ekonomiari mesede egiteko asmoz. Truke historiko honekin Snoqualmie tribuak ingurua babesteko konpromisoa adierazi du; hain zuzen, urbanizazio proiektu inbasibo bat gelditzea lortu dute erosketarekin. Gunea tribuaren bilgune sakratua izan da 1.000 urtez.