Smartphone bidezko argazkiak ikusgai dira Donostiako Fnac-en

Maiatzaren 8tik Donostian da Mobile Eyephoneography, smartphone bidezko argazkien nazioarteko erakusketa ibiltaria. Ekainaren 30a bitarte ikusgai izango dira Fnac dendak biltzen dituen 24 argazkiak.

---

Holanda, AEB, Italia Kanada eta Kataluniako Carlein van der Beek, Matt Burrows, Sion Fullana, Stefano Giogli, Marco La Civita, MissPixels, Jordi V. Pou eta Greg Schmigel zortzi argazkilarien lanak dira, besteak beste, ekainaren 30a bitarte Donostiako Fnac-en ikusgai diren lanak.
Madrilen, Bartzelonan, Murtzian eta Malagan ikusgai egon ondotik Donostiara iritsi da erakusketa ibiltaria, eta ekainaren 30ean izango da bertako lanak ikusteko azken eguna. Gerora, hala ere, BIlbon izanen da, uztailaren 9tik abuztuaren 20ra bitarte eta jarraian Zaragozan, Alacanten, Andaluzian, Asturiasen eta Valentzian ikusi ahal izango da.
Erakusketaren dinamika berdina jarraitzeko helburuarekin, antolatzaileek bertaratzen diren guztiei mugikorrarekin argazkiak atera eta ondoren Eyephoneographyn bertan edo sare sozialetan argitaratzeko proposamena luzatu die. Bidaliko diren argazki guztien artean hoberenak erakusketaren katalogoa eta 50 euroko saria irabaziko du.