SEXUMATOIA: MIKEL IBARGUREN

ANTZERKIAN, TELEBISTAN ZEIN ZINEMAN ARITZEN DA MIKEL IBARGUREN AKTOREA (ZESTOA, 1995). ‘ALBUM’ ANTZEZLANAREKIN PASIOA BORBORKA DUELA ERAKUTSI DU ETA, DIRUDIENEZ, BAITA OHEAN ERE.

• Zein da zure film erromantiko gogokoena?
  Titanic (James Cameron, 1997). Hortxe maitemindu nintzen Leonardo DiCapriorekin.
• Noiz eman zenuen zure lehen musua?
  13 urterekin. Zita osoan hiru metroko tartearekin egon ginen sekulako lotsa genuelako. Agurtzeko momentuan esan zidan: “Mikel, gauza bat”. Musua eman zidan eta korrika joan nintzen autobusa hartzera, agurtu gabe. Gero, Messengerretik komentatu genuen.
• Zer da zita batean inoiz esan behar ez dena?
  “Oso ona naiz larrua jotzen”.
• Zerk erakartzen zaitu lehen begiratuan?
  Hankak, osotasunean.
• Zein da ligatzeko erabili duzun trikimailurik onena?
  Interesik edukiko ez banu bezala jokatzen dut. Ezinezko izate hori nahiko morbosoa da.
• Zure lanaren bidez ligatu al duzu?
  Oheko eszena asko egin ditut fikzioan, baina oso sinpleak izaten dira, oso hotzak. Lana amaitutakoan ligatu izan dut, lankide edo ikusleren batekin.
• Millennialekin ligatzeko zer behar da?
  Bi esaldi gomendatuko ditut: “Nire bitzarekin ez dakit zer egin” eta “Lanera joan behar nuen, baina ez daukat lanik”.
• App-ak edota sare sozialak ligatzeko erabili al dituzu?
  Garai batean sexting-a probatu nuen. Instagrama erabili izan dut jolasteko, baina parez parekoak beste xarma bat dauka. Urduritasun eta adrelanina puntu hori zoragarria da.
• Inoiz eman dizuten gomendiorik onena ligatzeko? Eta txarrena?
  Lanerako eman didatena: “Izan zu zeu”. Txarrena, “Carpe diem”.
• Zein da zure fantasiarik zoroena?
  Altuerek eta leku publiko enblematikoek bero-bero jarri izan naute beti, adibidez Eiffel dorreak. Hegazkin batean ere gauza asko okurritzen zaizkit.
• Larrutan egin duzun lekurik gogokoena?
  Zumaiatik Zarautzerako kosta bidean leku zoragarriak daude, baina Donostiako Ikatz kaleari maitasun berezia diot.
• Inoiz egin dizuten proposamenik zoroena?
  Behin gorputz guztia lotu zidaten, mahai gainean jolaserako tresnak jarri eta elkarrekin adostutako hitza ozen esan arte, hark ez zuen bukaerarik.
• Sexuan izan duzun esperientziarik gozagarriena?
  Behin hiru egun pasatu nituen ia logelatik irten gabe. Astebete behar izan nuen errekuperatzeko.
• Eta traketsena?
  Kolpe baten ondorioz, ia barrabilik gabe gelditu nintzen. Belarritako bat ere sartu zitzaidan azalean…
• Zer da probatzera ausartuko zinatekeen gauzarik bitxiena?
  Ez da batere bitxia, baina bi pertsona baino gehiagorekin sexu harremanak izatea.