Sergio Gil 'Yellow big machine': "Zer esan handia emango duten sei abesti ditugu prest"

Taldekideak: Alvaro Luna, Pablo Moreno, Roberto Villar, Sergio Gil.
Diskoaren izena: Zehazteke.
Diskoaren argitaratze data: Apirila.
Estudioa: El SoCio Estudios.
Teknikaria: Aingeru Malaxetxebarria.
Masterizazioa: Mike Mariconda.



Musikaren bitartez mundua konkistatu daiteke?
Ez da soilik mundua konkistatzea. Gure gustuak partekatu eta ezagutzen ez gaituztenengana heldu nahi dugu.

Cuatro Barbasen taldera gehitu zarete, nola gertatu da?
Euren proiektuan sinesten dugu; profesional handiak izateaz gain, gure lagun minak dira. Etorkizunerako ikuspuntu berdina daukagu eta elkarrekin mundua konkistatzeko gogo izugarria dugu!

Zer moduz grabazioa?
Primeran. Aingeru Malaxetxebarriarekin grabatzen ari gara; oso ondo ezagutzen gaitu eta berarengan konfiantza osoa dugu. Lan berria aurrekoa baino freskoagoa da, bapatekotasunaren indarra du. Adimena askatu dugu, argitasun eta bizitasun handiagoa sortzeko asmoz. Zer esan handia emango duten sei abesti ditugu prest, ez da hotz geratuko den inor izango!

Nola da hori?
Zuzenekoetan jendea oihukatzea, dantzatzea eta kantatzea nahi dugu. Kontzertu batean gaudenean gure erritmoarekin bat egitea.