Sari parekidea Kontxako Banderan

Sari parekidea Kontxako Banderan Donostiako estropadetan gizonen diru kopuru berak jasoko dituzte aurten emakumeek. Albiste ona, ezta? https://www.gaztezulo.eus/albisteak/sari-parekidea-kontxako-banderan/@@download/image/kont.jpg
2018/08/29
berria
Donostiako estropadetan gizonen diru kopuru berak jasoko dituzte aurten emakumeek. Albiste ona, ezta?
Sari parekidea Kontxako Banderan
Igande honetan, irailak 1, Kontxako Bandera preziatua lortzeko lehen estropada tanda egingo dute Donostian. Aurten, baina, albiste pozgarri bat jaso dute lehiaketan parte hartuko duten emakume arraunlariek; lehen aldiz, dirusariak parekatu dituzte. Gauzak horrela, gizonen diru kopuru bera jasoko dute aurten emakumeek.
Hauek izango dira Kontxako Bandera irabazteagatik emakume zein gizon traineruek jasoko dutena: Irabazleek, banderaz gain, 24.000 euro irabaziko dituzte; bigarren sailkatuak, 15.000 euro; eta hirugarrenak, 12.000 euro.

Ostegunean izango da sailkatze estropada, 17:30ean, emakumeetan zein gizonetan. Bi multzo osatu dituzte kategoria bakoitzean, denboraldiko kirol emaitzak kontuak izanik; hurrenkera, ordea, ostegunean erabakiko dute, 12:00etan egingo duten zozketan. Erlojupeko proba izango da, eta kategoria bakoitzeko zazpi ontzi azkarrenek lortuko dute txartela, datozen bi igandeetan lehian aritzeko, Donostiarraren traineruekin batera.