“REMIXED AND REIMAGINED” **

Urteak dira (hildako) abeslari ezagunen ahots grabazioen nahasketa berriekin disko bildumak kaleratzen direla. Garai batean hautsak arrotzen ziren horrelakoetan, baina orain normaltasunez hartzen dira. Normaltasunak, ordea, ez du emaitza ona ziurtatzen. Holidayk ahots berezia zuen (are bereziagoa garaiko grabazio teknikak kontuan izanda), eta orain, hainbat ekoizle eta disko jartzailek (Nikodemus, Dj Logic, Tony Humphries, etab) nahasketa berriak egin dituzte 1935-1958 bitarteko kantuen ahotsekin. Zoritxarrez, kantu gehienek hasierako grabazioen magia galtzen dute nahasketa berriekin.