"I wish was in heaven sitting down"

Azken urteotako blues tradizional diskorik onena 73 urteko maisu batek dakar. R.L Burnside jaunaren ahotsa entzuterakoan Robert Johnson-ekin eskolara joan zela pentsa genezake, baina bere Delta Blues trinkoak ez dirudi antzinakoa, han-hemenka topa ditzakegun beat eta scrath-ak direla medio, slide akustikoekin uztartuta. "Hard time killing floor" mende berriari begiratzen dion gospel ariketa bikaina, "Too many ups" bizkorra eta "Chain of fools" klasikoaren moldaketa berria nabarmentzekoak dira.