"Beat'Em Up"

Iggy Pop zuzenean ikusi beharra dago, saltoka, beira zatia eskuetan ebakiak bularrean eginez. Izan ere, aurreko batzuk bezalaxe, disko hau ere bira egiteko eta zuzeneko basatiak eskaintzeko aitzakia baino ez da. Antza, inoiz baino adoretsuago dabilela erakutsi nahi digu, horretarako amorruz beteriko emaitzak ekarriaz (“It’s all shit” edo “Weasless”), behar baino gehiagotan, 90ko funki-metal delakoaren itxurakoak. Zein gazte eta indartsu dagoen adierazi ondoren, sortzailea ere ageri zaigu, ”Talkin’ snake” eta “Football” ederren egilea, edo “V.I.P” izenekoan jazz-arekin jolasteko gai dena. Haiei esker, “Beat’Em up” lineal samar honek une bereziak ditu.