"18"

“Play” diskoak (1999) proposatzen zuen blues eta espiritual beltzen arteko ariketa elektronikoak telebista zein irratietako iragarkien babesa jaso zuen, eta denbora luzez grabagailuetan gehien “txigortuetako” bat izan zen. Lan berrian zer? Bada, formula bera, nahiz eta oraingoan, oso nabaria gerta ez dadin, emakumezkoen ahotsei heldu dien: Jennifer Price (“In This World”) edo Sinead O’Connor  (“Harbour”). Bestela, ezer gutxi berririk; Moby bera abeslari Luna taldearen armoniei jositako “We’re all made of stars” delakoan, eta leku beretik ez mugitzeko joera disko osoan.