Planetan inoiz erregistratu den tenperaturarik altuena; 54,4 gradu
Ane Urrutikoetxea @aneurruti
Igande honetan Planetak errekor berria hautsi du; inoiz erregistratutako tenperaturik altuena eman da Kaliforniako Death Valleyn, 54,4 gradu. Ez da pozik egoteko moduko errekorra; Death Valley munduko lekurik beroenetakoa izan arren, 2020. urtean bigarren aldiz apurtu du errekorra (aurreko hilabetean ere gertatu zen).
Ikerlariek historiako tenperaturen erregistroak aztertu behar dituzte errekorra baieztatzeko; hain zuzen, 1913. urtean 56,7 gradu erregistratu ziren eremu berdinean, baina datu hau gezurtatu izan dute ikerlariek. Guztiz baieztatu gabeko beste errekor batzuk hauek dira: 55 gradu Tunisian 2013an eta 53,9 gradu Death Valleyn urte berean.
Dirudienez, igandean erregistratutako datua benetakoa izateko aukera asko ditu, eta horrek kezka sortu du; dudarik gabe, 2020. urtea ezagutu direnetan beroenetakoa izango da, eta bestela, ez ahaztu Artikoan udan erregistratutako 38 graduak.
