Pentsatu Iratzarri Zure Kontzientzia
Punk-oi! bortitza, koro landuak, melodia eta letra konprometituak. Itzuli dira The Fridays Crew. 2009ko lehen lanaren ondoren, bigarrenaren zain geunden, eta, dudarik gabe, agerikoa da aurrerapausoa. Estilo aldetik ildo beretsuari eutsiz, urolarrek kalitate salto nabarmena eman dute, batez ere abestien lanketan islatu dena. Hitzak euskaraz dira, ingelesezko Evangelizating izan ezik, eta mezuak kritika sozialetik gai pertsonalagoetaraino doaz, oso zainduak baita ere. Eduki beharrekoa!
