Peluxezko hartzak zain barneko poltsak edertzeko

Ospitaleak ez dira munduko lekurik dibertigarrienak, eta  bertan egonaldi luzeak egin behar dituzten aurrek irudimena astintzen dute, pareta zuri eta antzuak jolaserako espazio bilakatuz. Hala, Ella Casano 12 urteko neskato estatu batuarrak, zain barneko poltsak edertzeko peluxezko hartz bikainak diseinatu ditu, eta sekulako arrakasta izan dute.

Zazpi urterekin gaixotasun arraro bat diagnostikatu zioten Casanori (ITP), eta sendaezina den arren, sei edo zortzi astero ospitalera joan behar du zain barneko infusioak jasotzeko. Une beldurgarri horri aurre egiteko, zain barneko poltsak ezkutatzeko peluxezko hartzak diseinatzen hasi zen Casano. Medi Teddy izenarekin batailatu ditu, eta sekulako arrakasta izan dute; horregatik, Casanok, amaren laguntzarekin, plataforma bat jarri du martxan GoFundMe webgunean. Helburua? Jendearen laguntzarekin, 500 peluxe ospitaletan dauden haurrei oparitzea.