Parisko Udalari isuna, emakume "gehiegi" izendatzeagatik
Ane Urrutikoetxea @aneurruti
Anne Hidalgo Parisko alkateak isuna "absurdoa eta bidegabea" dela salatu du, eta bera joango da pertsonalki 90.000 euroko isuna ordaintzera. Auzitegiak Parisko Udala zigortu du, berdintasun legea urratzeagatik; hain zuzen, Parisko Udalean 11 emakume daude egun lanean, eta 5 gizon. Lehen aldia da emakumeak gehiengo direna, eta baita berdintasun legea aplikatzen dena, kasu honetan, "emakume gehiegi" egoteagatik.
11 femmes, 5 hommes... La Ville de Paris a été condamnée à 90.000 euros d'amende parce que trop de femmes directrices ont été nommées.
— Anne Hidalgo (@Anne_Hidalgo) December 15, 2020
Avec mes adjointes, les directrices et les présidentes de groupe, nous irons donc porter ce chèque à la Ministre de la Fonction publique. pic.twitter.com/yMDAeH86eS
Dena den, Hidalgok adierazi du "pozik" dagoela berdintasun legea aplikatzen dela ikusteagatik; Udalaren %69 emakumeak dira, eta legeak dio bi sexuetako inork ezin duela %60a gainditu: "Badirudi hiriko zuzendaritza feministegia bilakatu dela" adierazi du Hidalgok. Alta, gogorarazi du isuna "arriskutsua" dela, legea emakumeak politikan sartu daitezen eta botere karguetara iritsi daitezen diseinatu zelako, eta ez hauek zigortzeko.
