Otsoak ehizatzea debekatuta

Honela, atzotik ezingo da Hego Euskal Herrian otsorik ehizatu. Beraz, berau ehizatu beharko balitz, beste irtenbiderik ezinezkoa delako, komunitateko administraritzaren baimena beharko da. Hau da, otsoen ehiza onartua geratzen da soilik gune bateko abereei erasotzen badie eta eraso hauek ekiditeko aurretik hartutako neurriak eraginkorrak ez badira. 

Alabaina, aipatu EAE izan zela arau honen aurka bozkatu duen komunitateetako bat. Euskadirekin batera aurka azaldu dira Gaztela eta Leon, Asturias, Kantabria eta Galizia. Hauek iragarri dute errekurtsoa jarriko dutela ehiza erakundeekin batera. Bestalde, neurri honen aurka protestatzeko laborantza erakundeek mobilizazioak deitu dituzte. 

Oso bestelako erreakzioa izan dute erakunde ekologistek. WWF-k neurria ospatu du esanez "bioaniztasunaren babeserako etapa berri bat hasi" dela.