'Noiz utziko dio euria egiteari' film laburra estreinatuko dute Durangoko Azokan

'Noiz utziko dio euria egiteari' film laburra estreinatuko dute Durangoko Azokan Hamar urteko konfinamendu zorrotzaren ondorengo gizarte euritsu batean girotutako film labur esperimentala aurkeztuko dute igandean Irudienean. https://www.gaztezulo.eus/albisteak/noiz-utziko-dio-euria-egiteari-film-laburra-estreinatuko-dute-durangoko-azokan/@@download/image/captura-de-pantalla-2021-11-08-a-las-9.01.39.jpeg
2021/12/03

Testua: Maitane Legarreta Etxezarreta
@mailegetx

 

Argazkiak: Guillermo Ordas

Hamar urteko konfinamendu zorrotzaren ondorengo gizarte euritsu batean girotutako film labur esperimentala aurkeztuko dute igandean Irudienean.
'Noiz utziko dio euria egiteari' film laburra estreinatuko dute Durangoko Azokan

Piszifaktoria Ideien LaborategiaNoiz utziko dio euria egiteari film esperimentala estreinatuko du Durangoko Azokako Irudienea gunean, abenduaren 5ean, igandean, 14:30ean. Fikzioaren eta dokumentalaren mugan bizi den sormen-lana da, performance zinematografikoa, izen bera duen Piszifaktoria Ideien Laborategiaren paseo turistiko dramatikoan oinarritua.

2071. urtean kokatu dute filmeko istorioa. Covidaren Omega aldaeraren ondorioz, 2021etik 2031ra iraun zuen hamar urteko konfinamendu zorrotzaren ondoren, euria egiteari ekin zion, egun bakar batean ere gelditu gabe. Oso bestelako gizarte batean bizi dira eta, bidea birkalkulatzen duten GPSen antzera, euren helmugak birkokatzeko unea iritsi da. Zein bideri jarraitu nahi diote orain? Euria egiteari utziko al dio norabidea aldatzen badute?

Guillermo Ordasek zuzendu du 25. minutuko iraupena duen filma, eta Mikel Ayllonek idatzi du gidoia. Irati Agirreazkuenaga arduratu da ekoizpen lanaz eta Igor Arzuaga musikaz. Pantailan, berriz, Mikel Ayllon gidariaren rolean, Irati Agirreazkuenaga turistarenean, eta Igor Arzuaga kaleko musikariaren rolean agertuko dira.