Nausea

Seattle hiriko musikarien belaunaldi berriak hartu duen ezusteko norabidearen erakusle da Craftt Spells taldearen Nausea diskoa. Ezustekoa diot, hiriko soinutik aldentzen delako, ezbairik gabe boladan dagoen musika estiloari eusten baitiote. 21 urteko Jean Paul Vallesteroren taldea Real State, Ducktails, Beach Fossils, Atlas Sound, Lotus Plaza edota Diiv paregabeen kofradiakoa da. Kitarra elektriko melodikoetan errotutako base sanpleatuak janzten dituzte oiartzun bikoitzeko ahotsek. Zentzuen erotika koherenteki eusten duen dentsitate handiko diskoa da.