"Mundua aldatzeko ideiak" ekimenak mundu osoko pentsalariak bilduko ditu Bilbon

Uztailaren 5etik 7ra bitartean izango dira 'Mundua aldatzeko ideiak' jardunaldiak, eta nazioarteko zein Euskal Herriko hemezortzi sortzaile bilduko dituzte. Hiru egunez, arratsaldero, hitzaldiak eskainiko dituzte Bilboko Euskalduna Jauregian.

---

2012 Euskadi da ekimenaren antolatzailea, eta bi helburu nagusi dituela jakinarazi dute bertatik: batetik, bakearen aldeko kultura erakarri nahi dute euskal kulturara, eta bestetik, une batez bada ere, Euskadi mundu osoko pentsamenduaren hiriburu bilakatu nahi dute.

Pentsalarien artean, Isabel Coixet zinemagilea, Alessandro Baricco idazle italiarra, Amy Goodman kazetari independentea, Sergio Ramirez Nikaraguako presidenteorde ohia, Luisa Etxenike idazlea eta Susan Abulhawa errefuxiatu palestinarra izango dira.

Hausnarketa partekatua izango da nagusi, guztiok ditugun arazo orokorren gainean hitz eginez eta konponbideak, ahal izanez gero, bilatuz. Bertara entzule moduan joan nahi izanez gero, izena mean behar da honako webgunean.