Mezu berri bat duzu!

Mezu berri bat duzu! https://www.gaztezulo.eus/albisteak/mezu-berri-bat-duzu/@@download/image/50p46-1.jpg
2005/03/04
erreportajea
Gorka julio
Elkarrekin komunikatzeko, gero eta gehiago erabiltzen dugu posta elektronikoa. Jadanik, jende askok erabat ahaztuta ditu boligrafoa eta papera –eta garai bateko idazluma eta tinta zaharra, zer esanik ez!-. Horrexegatik, posta zerbitzua eskaintzen duten zerbitzarien berri eman nahi dizuegu. 

Asko dira posta zerbitzua dohainik eskaintzen duten zerbitzariak. Artikulu honetan, posta zerbitzua dohainik eta euskaraz eskaintzen duten zerbitzariez hitz egingo dugu soilik.

Zerbitzari bat edo beste aukeratzerakoan, alderdi asko har daitezke kontuan: eskaintzen dituzten aukerak, gure posta gordetzeko ematen diguten tartea, erraztasunak eta abar.

Lehenik eta behin, azaldu dezagun zein aldea dagoen web posta eta pop posta-ren artean. Web posta, soilik nabigatzaile baten bitartez atzitu daitekeen posta da. Pop posta, aldiz, posta irakurri eta kudeatzeko erabiltzen diren programen bitartez hartzen da, nahiz eta, normalean, web bidez ere har daitekeen.

www.euskalerria.org
Web orrialdean dioten bezala, lehen euskal e-posta zerbitzua da. Erabat euskaraz dago. Erabilterraza eta intuitiboa da. Hala ere, gauza txarrak ere baditu: esate baterako, ez du tarte handirik ematen posta gordetzeko. Bestalde, 5Mb eta fitxategi erantsien kudeaketa ez da oso ona. Data, tamaina, bidaltzailea eta gaiaren bitartez, zure posta sailkatzeko aukera ematen du, baina mezu zehatz bat bilatzeko aukerik ez du eskaintzen.

www.xasamail.com
Euskaraz jartzeko bidea ematen digu -nahiz eta, horretarako, aukeraketa egin behar den-. Web bidezko posta honen gauza harrigarriena zera da: 2Gb-ko tartea eskaintzen duela. Web posta elektroniko honekin, ez dugu inoiz mezurik ezabatu beharko. Beste hainbat aukera interesgarri ere ematen dizkigu: antibirusa, adibidez. Ezaugarri hau oso interesgarria da, posta elektronikoaren bitartez birus asko hel dakizkiguke eta. SPAMaren aurkako iragazkia ere badu -GAZTETXULOren 43. zenbakian aipatu genuen iragazki hori-. Iragazkiari esker, zaborra edo guk eskatu ez dugun propaganda astuna ekidin ahal izango dugu. Gauza txarrik ere badu zerbitzari honek: izan ere, euskarazko itzulpena eskas samarra da.

www.kaixo.com/mail
Gune honetan, 10 Mb-ko tartea ematen digun web bidezko posta eskaintzen dute. Euskara hutsez dago, eta nahiko erraza da erabiltzeko. Alderdi txarren artean, publizitatearena dago. Izena emateko garaian, interesgarria iruditzen zaizun gairen bat aukeratzeko eskatzen dizute, eta ondoren, noizean behin, gai horri buruzko publizitatea igortzen dizute. Ez da publizitate asko, baina normalean ez da oso gustukoa izaten.

www.gaztesarea.net/webposta
10 Mb-ko tartea eskaintzen digun posta elektronikoa. Gazteontzat ezaguna den web gune honetan topatuko duzu. Oso sinplea da, baina ezaugarri asko ditu. Ondorengoak dira interesgarrienak: bilaketak egiteko aukerak, egutegia, mezuak sailkatzeko eta iragazkiak ezartzeko aukera…

Gurekin harremanean jartzeko:
juliuska@euskalerria.org

Ezinbestekoa



• www.softonic.com  
Software asko aurkitzeko webgune egokia da. Softwarea lizentziaren arabera, balorazioaren arabera, eta beste hainbat parametroren arabera sailka daitezke.

Trebatu zaitez



• http://www1.euskadi.net/hizt_el/indice_e.htm
Elhuyar hiztegia MS-Office paketean integratu daiteke, eta dokumentuak idazten ari zarela, bilaketa egin dezakezu programan bertan. Hizkuntzen aldetik, Euskara-Gaztelera eta Gaztelera-Euskara kontsultak onartzen ditu. 

Zerbitzarien ezaugarri nagusiak


                                         Euskalerria     Xasamail          Kaixo    Gaztesarea
Postontziaren tamaina          5Mb                2Gb              10Mb        10Mb
Helbidetegirik?                     Bai                  Bai                 Bai            Bai 
Antibirusik?                          Ez                   Bai                 Ez              Ez
SPAM iragazketa?               Ez                   Bai                 Ez              Ez
POP zerbitzua?                    Bai                   Ez                  Ez             Bai
Mezu bilaketa?                     Ez                   Bai                 Bai            Bai
Erabiltzeko erraztasuna    Oso erraza   Oso erraza      Erraza       Erraza
Ezaugarri bereziak                 _                RDF Jarioak           _        Egutegia era-                                                            irakurtzeko aukera               biltzeko aukera