Merke eta ona?

28.000 kilometro orduko abiaduran mugitzen da, hamarkada bete berri du, eta gure planetatik 350 kilometrora dago, orbitan. Nazioarteko egoitza espazialaz ari gara. 300 tonako pisua du, lau gelako etxe baten tamainakoa da eta, amaitutakoan, are handiagoa izango da. Zortzi laborategi izango ditu guztira, puntako teknologiaz hornituak. 2010erako bukatu nahi dute eta, orain arte, 100.000 milioi dolar xahutu dituzte proiektuan.