Magiaren Topaketak izango dira asteburuan Bilbon
Bilboko Udalak antolatzen duen Magiaren Topaketak programaren XVIII. edizioa asteburu honetan amaituko da, eta kalean egingo dituzte azken emanaldiak. Bihartik igandera bitartean, magia protagonista duten bost ikuskizun izango dira Txurdinagako Garai Lorategietan, eta hainbat elementu uztartuko dira: musika, stand – up comedy, mentalismoa edota eskapismoa.
Bihar, 19:30ean, El Fakir Testak El último Fakir. The Art of danger ikuskizuna aurkeztuko du. Larunbatean, 13:00etan, Kataluniako Mag Gerard-en Sorprendentemente Mágico ikusi ahal izango da, eta, 18:30ean, Eriz Magoaren txanda izango da, Birziklapenaren magia familia-ikuskizunarekin. Eguna amaitzeko, Bosniako eta Argentinako Sasha eta Connie nazioarteko magoak arituko dira, 21:30ean, Fussion ikuskizunarekin.
Azkenik, igandean, 13:00etan, Aragoiko Pepin Banzo eta Helena Perdomoren Pepín y Tartiflette: Música, Magia y Tontadas eskainiko da.