Lucia Jayo, Jesus Ramirez eta Sofia Velascoren 'Hiru marran' erakusketa kolektiboa jarri dute Gasteizen

Labe Gazte Laborategiaren instalazioetan egindako egoitza artistikotik sortutako lan eta prozesu sorta bat biltzen du erakusketak. Gasteizko hiru artista gazte harremanetan jartzea zuen helburu, Labe Gazte Laborategian bi hilabetez elkarrekin lan egiteko eta erakusketa kolektibo komun bat ekoiztu eta erakusteko.

Erakusketa honek planteatzen du hiru pertsona ezezagunek hasieratik elkar ulertzea, batak bestea harremanetan jartzen duena abiapuntu,  hau da, haurtzaroa, familia, ezaguna, jabetzea, maitasuna, misterioa, jolastea, grisa, magia eta marrazketa. 

Leire Ortiz de Lejarazuk koordinatu du erakusketa hau eta maiatzaren 13ra arte bisitatu ahal izango da Labe Gazte Laborategian, San Bizente Paulekoaren kaleko 21. zenbakian, ohiko ordutegian.

Gasteizko hiru sortzaile
Lucia Jayo Altamiraino Artean graduatua da eta Pinturako Unibertsitate Masterra amaitzen ari da. Pintura, marrazki eta argazkigintzako irakaslea da Bilbon eta Gasteizen. Bere lana pinturaren, marrazkiaren eta argazkigintzaren artean garatzen da batez ere. 

Jesus Ramirez Otalvaro Caliko (Kolonbia) Arte Ederretako Departamentu Institutuko Arte Plastikoetako maisu gisa graduatu zen. Arte-sorkuntzako proiektuak garatu ditu eta bere lanak Rayo de Dibujo y Grabado Latinoamericano Museoaren bilduma iraunkorraren parte dira. 

Sofia Velasco Cardenas Arte graduan lizentziaduna da eta ikerketa eta sorkuntza artistikoko masterra ere egin du. Sofia diziplina anitzeko artista da, nahiz eta bere lanak diziplina jakin bat lantzeari baino gehiago teknika bati erantzuten dion. Bere lanean samurtasuna eta dibertsioa dira nagusi.