“Libre©”

“Libre©” https://www.gaztezulo.eus/albisteak/libre/@@download/image/35p16-2.jpg
2003/11/04
kritika
Testua: B. Malone.
Berri Txarrak
35.zenbakia
Harritu egin nau Berri Txarrak taldearen laugarren diskoak. Metala, trash-a eta hardcore melodikoa maisuki nahasten dituzten nafar hauek bere egin dute aspaldiko Slayer haien gerra-estrategia: abestien arteko etenak ezabatu eta entzuleari arnasik ez ematea. Ondorioz, CDaren lehen minutuak —“Hil nintzen eguna”, “Espero zaitzaket” eta “Izena, izana, ezina”— aspaldi entzundako indartsuenetakoa da. “Eskuak/ukabilak” aurreko diskoan antzeman zitezkeen gauza asko baieztatu egin dira: Gorka Berri Txarrak-ek melodia bitxiak sortzeko duen gaitasuna, gitarrak hamaika ñabardurez aberasteko abildadea, intentsitatea neurtzea … “Emazteen fabore” kantuaren hasiera bikaina da, esaterako.