Larunbatean izango da Bertso Eguna Donostian

Hustubetehustu leloa izango du aurtengoak, eta Jorge Oteiza eskulturgile oriotarra zena izango dute gogoan. Ekitaldi nagusia Kursaalen izango da, 18:00etan, eta Andoni Egañak eta Unai Elizasuk zuzenduko dute. Igor Elortza, Iñaki Gurrutxaga, Uxue Alberdi, Xabier Silveira, Jon Maia, Jokin Sorozabal, Amets Arzallus eta Maialen Lujanbio ariko dira bertsotan.

---

Azken urteetan bezala, bertso giroa izango da Parte Zaharreko kaleetan, eguerdian, eta 21:00etan afaria egingo dute Kursaal jatetxean. Afarirako txartel guztiak saldu dituzte jada eta arratsaldeko ekitaldirako 400 bat sarrera daude salgai.
Sarrerak erosteko eta informazio gehiago eskuratzeko:www.bertsosarrerak.eu