Lanera bizikletan joateagatik kobratu?
Ia 20 zentimo kilometroko. Hori da lanera bizikletan joateagatik Herbeheretako gobernuak ordainduko duena. Nola? Enpresekin negoziatuz; hala, gobernuak kutsaduraren aurkako neurri eraginkorrak jarri nahi ditu martxan, tartean, autoen erabilera nabarmen murriztea. Stientje van Veldhoven estatu idazkariak adierazi duenez, bizikletaren erabileraren aldeko apustu indartsua egiteko helburua dute: "Arrazoi ekologikoez gain, osasuna eta hirietara sartzeko erraztasuna eskaintzen ditu bizikletak, guztion bizi kalitatea igoz".
Neurria datorren udan jarriko dute martxan; horrekin batera, Herbehereek 100 milioi euro erabili ditu aurten bidegorriak hobetu eta bizikletentzako aparkalekuak eraikitzeko. Haiek argi dute; etorkizuneko ibilgailua bizikleta da!
