Lagundu Heineken Jazzaldian ariko diren tokiko taldeak aukeratzen!

Lagundu Heineken Jazzaldian ariko diren tokiko taldeak aukeratzen! https://www.gaztezulo.eus/albisteak/lagundu-heineken-jazzaldian-ariko-diren-tokiko-taldeak-aukeratzen/@@download/image/seminal_jazz_1389171169.jpg
2014/01/08
berria
Heineken Jazzaldiaren 49. edizioa uztailaren 23tik 27ra egingo dute, eta bertan ariko diren tokiko hamar taldeak aukeratzeko kontzertuak eskainiko dituzte gaur hasi, urtarrilak 8, eta martxoaren 28ra bitarte. Emanaldiak doakoak izango dira!


Nazioarteko jazz musikari ospetsuekin batera, bertako talde txikiagoei ere tartea egiten die urtero Donostiako Heineken Jazzaldiak. Horretarako, baina, izen-emate aldia zabaltzen dute, eta aurkeztutako proposamenen artean Antolakuntzako Batzordeak lahen aukeraketa egiten du. 49. ediziorako, esaterako, 48 taldek eman dute izena, eta lehen fasean hamabost hautatu dituzte dagoeneko.

Orain baina, gaur hasi eta martxoaren 28ra bitarte, zuzeneko emanaldiak eskaini beharko dituzte hamabost talde horiek. Kontzertuak FNACeko Forum gunean, Altxerri tabernan eta Victoria Eugenia Antzokiko Club aretoan izango dira (azken honetako emanaldietarako gonbidapena jaso beharko da Antzokiko leihatilan), eta ikus-entzuleek doan sartu ahal izango dute. Batzordeak kalitate artistikoa eta publikoaren erantzuna baloratuko ditu, eta Jazzaldian ariko diren behin betiko hamar taldeen izenak aditzera emango ditu ondoren.

Beraz, jazz doinuez gozatu nahi baduzu, eta uztailaren 23tik 27ra Donostiako eszenatokiak astinduko dituzten taldeen izenak aukeratzen lagundu nahi izanez gero, adi egutegiari!

Egutegia


Urtarrilak 8, asteazkena, 20:00etan, Victoria Eugenia Club aretoan
Sky Beats

Urtarrilak 10, ostirala, 19:30ean, FNACeko Forum gunean
Garob

Urtarrilak 13, astelehena, 20:00etan, Victoria Eugenia Club aretoan
Imago 4

Urtarrilak 24, ostirala, 19:30ean, FNACeko Forum gunean
Alvaro F. Gaviria

Urtarriak 29, asteazkena, 20:30ean, Altxerrin
Luismi Segurado Trio

Otsailak 4, asteartea, 20:00ean, Victoria Eugenia Club aretoan
The Soul Messengers

Otsailak 6, osteguna, 19:30ean, FNACeko Forum gunean
Apparental Mad

Otsailak 21, ostirala, 19:30ean, FNACeko Forum gunean
El Sindrome de Stendhal

Otsailak 25, asteartea, 20:00etan, Victoria Eugenia Club aretoan
Reunion Big Band

Otsailak 27, osteguna, 20:30ean, Altxerrin
SMUZtrio

Martxoak 13, osteguna, 20:30ean, Altxerrin
Seminal Jazz

Martxoak 14, ostirala, 19:30ean, FNACeko Forum gunean
FMA Trio

Martxoak 18, asteartea, 20:00ean, Victoria Eugenia Club aretoan
Donostiako Musika eta Dantza Eskola

Martxoak 27, osteguna, 20:30ean, Altxerrin
Maldataskull Trio

Martxoak 28, ostirala, 20:30ean, Altxerrin
Bost