Konfinamenduan ere Euskaraldia martxan da: "Etxealditik Euskaraldira"
Testua: Jaione Dagdrømmer @hellehellei
Horren aurretik berotzen hasteko ordea, konfinamenduan burutzeko ekimen bat iragarri du Euskaraldiak: Etxealditik Euskaraldira. Antolatzaileek espero dute azaroaren 20tik abenduaren 4ra ospatuko den edizioan jende gehiago batzeko balio izatea.
Euskara etxean gehiago erabiltzera gonbidatu nahi ditu euskaldunak ekimen honek, eta noski, horretatik abiatuta euskararen erabilera orokorraz hausnartzera ere. Horrela, ekimenak goizero nola parte hartu daitekeen azalduko du bere sare sozialetatik (Facebook, Instagram eta Twitter), bere webgunetik eta Ahobizi zein Belarriprest Telegram kanaletatik.
Lehen mezua apirilaren 20an argitaratuko da eta aurkezpen modukoa izango da. Apirilaren 21-23 bitartean euskararen erabileraren inguruan hausnartzea proposatuko da. Azkenik apirilaren 24-30 bitartean egunerokotasunean aplikatzeko zazpi ideia aurkeztuko dituzte.
Azkenik, Euskaraldiak partaideak animatu ditu euren bideo edo argazkiak partekatu ditzaten #EtxealditikEuskaraldira traolaren pean eta @euskaraldia aipatuz.
